Fimmtudagur 12. júlí
|
3f Austfirðir 8. júlí 9. júlí 10. júlí 11. júlí 13. júlí 14. júlí 15. júlí |
Um kl. 9.40 lagði hluti hópsins í kirkjuferð í Húsavíkina, en nýstofnað hásinafélag þeirra Ólafar og Jönu þreif skálann á meðan. Í kirkjuferðinni kom í ljós að einungis 5 af þessum 13 manna hópi væri í þjóðkirkjunni og jókst ásókn í kirkjuferðir mikið eftir þetta. Fólk var þó ekki heiðnara en það í kirkjunni í Húsavík að meinlausir hrekkir Barða og Ara við að rugla sálmanúmerum voru gagnrýndir mikið.
Við lögðum síðan af stað yfir í Lommann yfir Nesháls rétt fyrir kl. 12. Þetta var 9,5 km. ganga og við vorum komin í Stakkahlíð um kl. 16.00. Við höfðum þá verið alls um 6 tíma og 20 mínútur á leiðinn i frá morgni. Meðalpúls minn var 112, brennsla 2518 kcal, þar af 50% fita. Á seinnihluta leiðarinnar var sandalafélagið stofnað, en í því voru hásinaprinsessurnar Ólöf og Jana auk Einars. Fljótlega var lagt upp í aðra Kirkjuferð og var kirkjan inni á Klyppsstað skoðuð og var það um 4 km. ganga. Allir sem ætluðu í kirkjuna komust nema Einar sem lá hinum megin við Kirkjuána og naut þess að þarna hafði sauðfé ekki skitið í fjölda ára. Þessi ganga tók um klukkutíma og kortér og var meðalpúls 113, brennsla 514 kcal, þar af 55% fita. Um kvöldið fengum við steiktan fisk og rabarbarapaté hjá veitingasölunni í Stakkahlíð og smakkaðist það frábærlega. Eftir hefðbundinn húslestur Barða var farið tiltölulega snemma í pokana. -Ari
Myndirnar stækka ef smellt er á þær |
